Ayala alabang grade 8 student tumalon mula 3/f

NILALAPATAN ng lunas sa pagamutan ang isang Grade 8 student makaraan tumalon mula sa ikatlong palapag ng kanilang paaralan sa Ayala Alabang Village, Muntinlupa City, kamakalawa ng hapon.

Nakaratay sa Asian Medical Center Hospital ang biktimang si alyas Jason, 14, nag-aaral sa De La Salle Zobel, residente sa Jose Yulo St., BF Homes, Parañaque City, na-fracture ang buto sa kaliwang paa.

Sa ulat sa Southern Police District (SPD), dakong 12:55 pm nang mangyari ang insidente sa naturang paaralan.

Sinasabing umakyat ang biktima sa railing ng ikatlong palapag ng kanilang paaralan, biglang tumalon at bu-magsak sa lobby ng Science and Technology Department.

Agad nilapatan ng lunas ang biktima ng doktor ng naturang paaralan na si Dra. Barbara Ambrosio saka inilipat sa ospital.

Ayon kay Muntinlupa City Police Senior Supt. Dante Novicio, sinabi ng ama ng biktima na si Raymond Gomez, depresyon dahil sa problema ang posibleng dahilan nang tangkang pagpapakamatay ng kanyang anak.

(JAJA GARCIA)