Wednesday , September 19 2018
Breaking News
You are here: Home / Showbiz / Ahron Villena, masayang makatrabahong muli si Kathryn Bernardo
Ahron Villena, masayang makatrabahong muli si Kathryn Bernardo

Ahron Villena, masayang makatrabahong muli si Kathryn Bernardo

IPINAHAYAG ni Ahron Villena ang kasiyahan dahil muli niyang nakatrabaho si Kathryn Bernardo. Isa si Ahron sa bagong cast ng top rating TV series na La Luna Sangre na pinagbibidahan din ni Daniel Padilla.

Gumaganap dito si Ahron bilang isang bampira, ngunit ayaw pa niyang sabihin kung siya ay kakampi nina Kathryn at Daniel o kaaway ng kanilang grupo.

Saad ni Ahron, “Kasama na po ako sa La Luna Sangre. Ako po rito ay isang bampira pero dapat nilang malaman kung kakampi or kaaway ako rito. Hindi ko pa rin po alam kung gaano katagal iyong character ko, kasi marami rin pong nawala na, tapos nagpapasok lang sila ng bagong character kagaya po nitong sa akin.

“Noong Wednesday last, last week po ako nag-start ng taping at si Richard (Gutierrez) po ang nakasama ko at ibang bampira.”

Masasabi mo bang welcome news naman ang pagkakasali mo sa LLS for a change, dahil parang the past few days ay magkasunod na hindi maganda ang news sa iyo like ‘yung kay Cacai Bautista at nude photo na aksidenteng na-upload sa internet?

“Yup, masaya ako na nakasama ako sa La Luna Sangre. Siyempre, kasi primetime iyan e, tapos ay KathNiel pa. Kaya alam natin na talagang sinusubaybayan nang marami gabi-gabi.

“Basta thankful po ako, kasi my bago na akong show ulit. Kasi ang tagal ko rin nabakante, ang last guesting ko pa is sa Ang Probinsyano noong March. Tapos nag-MMK din ako. So, four months din akong naghintay bago dumating itong LLS. Kaya masaya ako na dumating itong bagong show at nakakatrabaho ko na sila.”

Nabanggit din niyang masaya siyang makatrabaho muli si Kathryn dahil matagal na mula nang huli silang nagkasama sa isang proyekto.

“Masaya ako na katrabaho ko ulit ngayon si Kathryn. Kasi iyong last kaming nagkasama, sa Way Back Home movie pa nila ni Julia (Montes). Kuya nila ako roon at nakatutuwa na kahit sikat na sikat na ngayon si Kathryn ay hindi siya nagbago hanggang ngayon,” esplika pa ng actor.

ALAM MO NA! – Nonie V. Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved