Monday , November 19 2018
Breaking News
You are here: Home / News / Shoot-to-Kill sa Kadamay (Occupy pabahay kapag inulit) — Duterte

Shoot-to-Kill sa Kadamay (Occupy pabahay kapag inulit) — Duterte

NAGBABALA si Pangulong Rodrigo Duterte na ipababaril sa mga awtoridad ang mga maralitang militante kapag inulit ang pang-aagaw ng pabahay.

“Huwag ninyong gamitin ‘yang pagka-pobre ninyo to create chaos,” anang Pangulo sa kanyang talumpati sa Palasyo kamakalawa ng gabi.

Sinabi ng Pangulo, hindi niya papayagan na ulitin ng mga miyembro ng militanteng grupong Kadamay ang pag-agaw sa ibang proyektong pabahay ng pamahalaan.

“Kung uulitin ninyo iyan at pipilitin ninyong papasok, ang order ko talaga, paalisin kayo sa puwersa. Either batutain kayo o ‘pag lumaban kayo, ipagbabaril ko kayo,” aniya.

READ MORE:  Tax liability ni Pacman sa Amerika ‘under control’ (Giit ni Arum)

Anang Pangulo, hindi siya mangingiming magpalibing ng libo-libong aktibista kapag iginiit ng Kadamay ang anarkiya.

“May project ngayon, gusto na naman nilang kunin. Do not commit that mistake. Here and now, I will tell you, including the Congress of the Republic of the Philippines: You do anarchy, I will order the soldiers and the police to shoot. Even if I have to bury thousand of Filipinos. Huwag ninyo akong ganonin,” anang Pangulo.

Paliwanag ng Pangulo, walang pinipili ang pagpapatupad ng batas, sa mayayaman, at maging sa mga gumagawa ng gulo.

READ MORE:  Davao death squad probe isinulong ng int’l HR group

Hinamon niya ang mga militante na mag-lunsad ng rally o kahit tumira na sa kalsada hanggang anim na buwan

“Let us understand this beginning today, either we have laws in this country or we do not. We enforce the laws against the miners and the rich, but I will also enforce laws against anarchy, disturbance, and create trouble. Kayo rin, natatakot din e,” dagdag niya.

READ MORE:  20 drums ng smuggled fuel nasabat sa Palawan

“Takutin ninyo ako na occupy the streets? Anak ng jueteng. You stay there, you ask for two days, I will give you six months. Huwag kayong umalis diyan. Kainin ninyo pati ‘yung dumi ninyo diyan,” aniya.

Nagalit ang Pangulo sa maka-kaliwang grupo nang tambangan ng New People’s Army (NPA) ang mga kagawad ng Presidential Security Group (PSG) kamakailan sa Arakan, North Cotabato kaya nagpasya na kanselahin ang backchannel talks sa mga lider-komunista.

ni ROSE NOVENARIO

COMMENTS

About Rose Novenario

Scroll To Top
 

Copyright hatawtabloid.com | All Rights Reserved