Friday , September 21 2018
Breaking News
You are here: Home / Opinion / Fake social media account ipinaasunto na rin ng Kamara
Fake social media account ipinaasunto na rin ng Kamara

Fake social media account ipinaasunto na rin ng Kamara

HINDI lang identity thief sa social media ang pananagutin ng batas ngayon.

Pati identity fraud o mga pekeng account sa social media ay nais nang parusahan ng mga mambabatas sa ilalim ng isang batas.

Sa kasalukuyan, isinusulong sa House of Representatives ni Rep. Win Gatchalian ang House Bill 5575 na naglalayong panagutin ang mga taong gumagamit ng pekeng account sa social media at ginagamit sa iba’t ibang paraan kabilang ang panloloko, paninira at iba pa.

Sa panahon na marami nang peke at bihirang-bihirang makatagpo ng genuine, mukhang kailangan na talaga nang ganyang batas.

062117 fake account cyber

Mantakin ninyo, noong araw ang napepeke lang signature. Pekeng jeans, pekeng shoes, pekeng logo, pekeng alahas hanggang maging ang bigas peke na rin ngayon!?

Pero ang lagi po ninyong tatandaan, ang pinaka-dangerous at pag-ingatan ninyo ang mga pekeng kaibigan!

Diyan, tiyak katakot-takot na kapahamakan ang aabutin ninyo. Mga pekeng kaibigan na gagamitin lang kayo para makaabante. Kasunod niyan, sisiraan at tatapakan na kayo. Matapos mo silang tulungan ay parang halimaw na sasagpangin ka na! Tunay lang silang gamol hindi tunay na kaibigan.

Kaya kayong mga ‘peke’ sa facebook kaiingat na kayo dahil malapit na kayong managot sa batas.

Ibasura at parusahan ang mga peke!

JUSTICE SECRETARY
VITALIANO AGUIRRE
KINASAHAN NA
NI SEN. PING LACSON

062117 Lacson aguirre marcos

Hindi na talaga nakatiis si Senator Panfilo Lacson, umalma na rin siya laban kay Justice Secretary Vitaliano Aguirre.

Hinikayat niya ang Senado na kondenahin ang Department of Justice (DoJ) na pinamumunuan ni Secretary Aguirre dahil ibinaba sa Homicide ang inirekomenda nilang murder case laban sa mga pulis na pinaniniwalaang pumatay kay Albuera, Leyte Mayor Rolando Espinosa.

Matatandaan, nitong nakaraang Marso, inirekomenda ng Senate committee on public order and dangerous drugs na pinamumunuan ni Senator Ping na sampahan ng kasong murder ang mga pulis na pinamumunuan ni Supt. Marvin Marcos, sinabing nagsilbi ng warrant of arrest kay Mayor Espinosa sa loob ng selda sa Baybay, Leyte.

Pero nanlaban umano si Espinosa kaya pinatay ‘este napatay nila. Pero imbes murder, homicide bigla ang inirekomendang kaso ng DoJ kaya ‘matik na nakapagpiyansa at nakalabas ang mga akusado.

At dito nagpupuyos si Senator Ping dahil nabalewala ang ginawa nilang imbestigasyon sa Senado.

Kumbaga parang tinarantado sila ng DoJ?!

Dahil homicide ang kaso, naglagak agad ng piyansa ang mga akusadong pulis para sa kanilang pansamantalang kalayaan.

Mukhang napipinto ang bakbakang Senator Ping at Secretary Aguirre sa mga susunod na araw.

‘Yan ang aabangan natin.

REKLAMO SA 4Ps
SA LANAO DEL SUR
(ATTN: DSWD SEC.
JUDY TAGUIWALO)

MAGANDANG araw po Sir, irereklamo ko po sana ang 4Ps sa lugar namin sa Lanao del Sur na pag kinukubra po namin ay binabawasan po nila ng ¼. At pag hndi nakapunta ang member ng 4Ps sa oras ng pagkuha ng sahod hndi na po namin nakukuha ang pera. Saan po ba napupunta ‘yun? Hiling po ng nakararaming members ng 4Fs sana po ay maibalik sa cash card para po hindi na kami namomroblema pag hindi namin napuntahan agad para naman po ‘yung sa mahihirap binabawasan pa. ‘Wag po ipakita ang # ko.

+63921601 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved