Thursday , November 22 2018
Breaking News
You are here: Home / News / Anak ng sultan, 5 elders, 3 pinoys hinatulan ng bitay sa Sabah standoff
Anak ng sultan, 5 elders, 3 pinoys hinatulan ng bitay sa Sabah standoff

Anak ng sultan, 5 elders, 3 pinoys hinatulan ng bitay sa Sabah standoff

HINATULAN ng kamatayan ang siyam Filipino, na kinabibilangan ng isang anak ng sultan, limang matatanda at tatlo pang Pinoy, sa Malaysia bunsod nang pakikigiyera sa mga awtoridad sa nasabing bansa, ayon sa ulat ng Department of Foreign Affairs (DFA), nitong Huwebes.

Ayon sa DFA, iniulat ng Philippine Embassy sa Kuala Lumpur, pinagtibay ng Malaysia’s Court of Appeals ang desisyon ng High Court, makaraan makombinsi na naglunsad ng giyera ang siyam Filipino laban sa hari ng nabanggit na bansa.

READ MORE:  15 anyos bading, ginilitan ng tiyuhin

Ngunit imbes life imprisonment na hatol ng High Court, nagdesisyon ang Court of Appeals na patawan ang mga akusado ng kamatayan.

Gayonman, ang desisyon ng Court of Appeals ay hindi pa pinal dahil diringgin pa ito ng Federal Court of Malaysia “under automatic appeal.”

Sinabi ng DFA, nagkaloob sila ng legal assistance at iba pang uri ng tulong sa lahat ng akusado.

“[We] will continue to extend assistance to them as their case progresses,” dagdag ng DFA.

READ MORE:  May-ari ng Kentex Gatchalian kasuhan — DoJ (Sa sunog sa pabrika)

Kinilala ang mga hinatulan na sina Datu Amirbahar Hushin Kiram, 54, anak ni late self-proclaimed Sulu sultan Jamalul Kiram; limang senior citizens na sina Ismail Yasin, 77; Julham Rashid, 70; Salib Akhmad Emali, 64; Tani Lahad Dahi, 64; Al Wazir Osman alias Abdul, 62;
at tatlo pa na sina Virgilio Nemar Patulada alias Mohammad Alam Patulada, 53; Atik Hussin Abu Bakar, 46; at Basad Manuel, 42.

Nitong nakaraang taon, hinatulan ng Kota Kinabalu High Court ang mga Filipino ng life imprisonment “for waging war against the Yang di-Pertuan Agong under Section 121 of the Penal Code,” ngunit naghain ng apela ang prosekusyon.

READ MORE:  22 sugatan sa bus vs truck sa CDO

Ang siyam Filipino ay nasangkot sa 2013 standoff, nang daan-daan militante mula sa Tawi-tawi ang nagtungo sa Lahad Datu sa Sabah, Malaysia at nakipagsagupa sa Malaysian forces.

Tinawag ng grupo ang kanilang sarili bilang “Royal Security Forces of the Sultanate of Sulu and North Borneo.”

COMMENTS

About hataw tabloid

Scroll To Top
 

Copyright hatawtabloid.com | All Rights Reserved