Wednesday , November 14 2018
Breaking News
You are here: Home / Sports / Ikatlong yugto ng Cavs-Warriors sisiklab ngayon
Ikatlong yugto ng Cavs-Warriors sisiklab ngayon

Ikatlong yugto ng Cavs-Warriors sisiklab ngayon

MATAPOS ang isang linggong paghihintay ng basketball fans sa buong mundo, sa wakas ay masasaksihan na ang pinaka-inaabangang trilogy ng salpukang Golden State Warriors at Cleveland Cavaliers.

Magpapang-abot ngayon, sa ganap na 9:00 am (Manila time) ang dalawang koponan para sa Game 1 ng 2016-2017 Finals sa bahay ng Warrior sa Oracle Arena sa Bay Area.

Ito ang kauna-unahang pagkakataon sa kasaysayan ng NBA na maghaharap sa tatlong sunod na Finals ang dalawang koponan.

Nanalo sa una nilang sagupaan noong 2015 ang Warriors, 4-2 at itinanghal na MVP si Andre Iguoadala ngunit maraming nagsasabing naiba sana ang resulta kung nakapaglaro para sa Cavs ang mga injured noon na sina Kevin Love at Kyrie Irving.

READ MORE:  So kapit tuko sa unahan

Sa ikalawang tapatan noong 2016, bumalikwas ang Cavaliers nang burahin ang 3-1 abante ng Warriors at kompletohin ang pinakamalaking pagbalik sa serye sa kasaysayan ng NBA. Nanalo ang Cavs 4-3 at pinarangalang Finals MVP si LeBron James.

Hindi ito nakaligtas sa puna dahil nasuspendi sa Game 5 si Draymond Green sa limit na technical fouls sa playoffs, may iniindang injury si Stepheh Curry gayondin si Iguodala at hindi na nakalaro mula Game 6 si Andrew Bogut.

READ MORE:  China’s Li Bo kampeon (Hong Kong Open Chess)

Ngayong taon, wala nang dahilan ang bawat koponan dahil parehong malusog at todo ang puwersa sa kanilang tie-breaker.

May mga bagong mukhang mapapanood sa Finals na paparating kompara sa naunang dalawang taon.

Sasandal ang Warriors kina Curry, Green at Thompson at sa bagong karagdagang puwersa na si Kevin Durant, ang NBA 2014 MVP.

READ MORE:  Barroca flawless sa obstacle challenge

Samantala, aasa ang Cavs sa Big3 nito na sina Love, Irving at James pati na sa mga bagong tirador na sina Deron Williams at Kyle Korver.

Lalaruin sa Oracle Arena ang Games 1 at 2 dahil sa homecourt edge ng Warriors bilang numero unong koponan sa buong NBA habang sa Cleveland naman ang Game 3 at 4. Kung sakaling ‘di pa tapos ang serye, balik sa Warriors sa Game 6, Game 5 sa Cleveland at sa Golden State uli sa Game 7.  (JBU)

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved