Sunday , September 23 2018
Breaking News
You are here: Home / News / Himok ng CPP sa gov’t troops mag-stand down (Sa Mindanao)
Himok ng CPP sa gov’t troops mag-stand down (Sa Mindanao)

Himok ng CPP sa gov’t troops mag-stand down (Sa Mindanao)

UMAPELA ang Communist Party of the Philippines (CPP), sa pulisya at military units sa tatlong probinsiya ng Mindanao, na “mag-stand down” para sa pagpapalaya ng apat “prisoners of war.”

Ginawa ng CPP ang naturang panawagan, kasunod sa kanilang anunsiyo kamakalawa na bubuhayin nila ang unilateral ceasefire bago mag- 31 Marso.

Napag-alman, nakatakdang palayain ang apat bihag ng New People’s Army (NPA) sa Surigao del Sur, Sultan Kudarat at Bukidnon.

“Their releases are being impeded by ongoing military and police operations in the area. The CPP urges the local commands of the AFP and PNP to stand down and coordinate with third-party facilitators to pave the way for the releases,” bahagi ng statement ng CPP.

Matatandaan, binuhay muli ng militar at pulisya ang kanilang mga operasyon laban sa NPA, makaraan alisin ni Pangulong Rodrigo Duterte ang idineklarang ceasefire ng gobyerno, at sinuspendi ang peace talks noong Pebrero.

Nitong buwan lamang ay inianunsiyo ni Presidential Peace Adviser Jesus Dureza, na ang pagkikipag-usap ng gobyerno sa komunistang rebelde ay gugulong na muli.

Pahayag ito ni Dureza makaraan makipagpulong sa mga kinatawan mula sa National Democratic Front sa Utrecht, sa The Netherlands noong 11 Marso.

Samantala, inihayag kamakalawa ng NPA, kanila nang pinalaya ang dalawan miyembro ng Citizens Armed Forces Geographical Unit (CAFGU) na kanilang binihag.

Habang kinompirma ng 10th Infantry Division ng Philippine Army, ang pagpapalaya kina CAFGU Active Auxiliary personnel Rene Doller, 34, at Carl Mark Nucos, 24-anyos.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved