Thursday , September 20 2018
Breaking News
You are here: Home / Showbiz / 13th wedding anniversary ni Ibyang kay Art, kasabay ng kasal at honeymoon kay Peter
13th wedding anniversary ni Ibyang kay Art, kasabay ng kasal at honeymoon kay Peter

13th wedding anniversary ni Ibyang kay Art, kasabay ng kasal at honeymoon kay Peter

NGAYONG araw, Marso 27 ang 13th wedding anniversary nina Sylvia Sanchez atArt Atayde pero hindi sila makakapag-selebra dahil kasalukuyang nasa Baguio City ngayon ang aktres para kunan naman ang honeymoon nila ni Nonie Buencamino sa teleseryeng The Greatest Love bilang sina Gloria at Peter.

Pero ngayong hapon din ipalalabas ang ginanap na kasal ng dalawa.

Natatawang sabi nga ni Ibyang, ”napaka-ironic ‘no? Anibersaryo namin ng asawa ko (Art), pero kasal namin ni Peter ang napapanood ngayong hapon, tapos papunta akong Baguio para kunan ang honeymoon namin.”

Mabuti na lang at masyadong supportive si papa Art kaya hindi siya nag-demand na dapat magkasama silang mag-asawa sa araw na ito para ipagdiwang ang kanilang wedding anniversary.

Tinanong namin si Ibyang kung bakit 13 years palang silang kasal gayung 27 na ang panganay nilang si Arjo Atayde.

“’Di kami nagpakasal kaagad, eh, ha, ha, ha,” tumatawang sabi ng aktres. Dagdag pa, ”mahabang kuwento, ‘pag may oras na lang, kuwento ko sa ‘yo.”

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved