Wednesday , November 14 2018
Breaking News
You are here: Home / Opinion / Operation Tokhang nais ibalik ng LGUs
Operation Tokhang nais ibalik ng LGUs

Operation Tokhang nais ibalik ng LGUs

MARAMING local government officials lalo sa hanay ng mga opisyal ng barangay na masidhi ang clamour na ibalik ang “Operation Tokhang” bilang suporta sa war on drugs ni Pangulong Rodrigo “Digong” Duterte.

Isa na riyan si Laguna Liga ng mga Barangay president and ex-officio Board Member Lorenzo Zuñiga Jr.

Ayon mismo kay Pangulong Digong, tumaas na naman ang drug related crime sa bansa mula nang maging minimal ang operasyon laban sa ilegal na droga.

Ang nangyari kasi, tanging ang Philippine Drug Enforcement Agency  (PDEA) na lamang ang nagsasagwa ng anti-illegal drugs operations matapos ang malaking eskandalong kinasangkutan ng ilang pulis at mga opisyal ng PNP sa pagpaslang sa isang Korean businessman.

Kaya siyempre, bumagal ang operation.

Hindi gaya rati, lahat ng estasyon ng pulisya at mga operatiba nila ay kalahok sa Operation Tokhang.

Kung limitado ang bilang ng mga operatiba sa war on drugs ng Pangulo, naturalmente, babagal ang kampanya kontra droga.

Kaya marami na namang mga ‘demonyo’ ang naglalakas ng loob na ipagpatuloy ang pagtutulak ng shabu.

070216 shabu drug arrest

Grabe naman kasi ang nangyari. Lumalabas na hindi naman war on drugs kundi war against ‘poor’ people. Inabuso nang todo ng mga lespu ang Operation Tokhang.

Marami ang naniniwala na karamihan ng mga pinaslang sa Operation Tokhang ay kilala ang mga lespu na sangkot sa ilegal na droga kaya nga sila ang inuna.

Bakit sa operasyon ng PDEA, wala namang nanlalaban? Walang nang-aagaw ng baril at hindi kabi-kabila ang tumbahan?!

Gusto tuloy natin maniwala na pinasok talaga ng mga galamay ng sindikato ng ilegal na droga ang Operation Tokhang para sirain ang kredebilidad ng kampanya ni Pangulong Digong.

Ngayon, sino ang tunay na apektado?!

Mga mamamayan na muling nag-aalala sa pagdami na naman ng mga nahahaling sa shabu at sunod-sunod na nakawan, holdapan, snatching at higit sa lahat, rape sa mga kawawang bata.

Marami na naman ang nangangamba lalo na ‘yung mga umuuwi nang alanganing oras mula sa kanilang mga trabaho, sa paaralan, sa training at sa iba pang aktibidad.

Puwede namang ibalik ang Operation Tokhang, pero sana maging estrikto sa pagpapatupad ng ulitmong layunin nito.

Pasukuin ang mga puwedeng i-rehab at sampahan ng kaso ang mga tulak lalo na ‘yung mga bigtime tulak.

At higit sa lahat, huwag na sanang puro dakdak lang si Dir. Gen. Ronald “Bato” Dela Rosa.

Piliin ang mga police official na mapagkakatiwalaan sa war on drugs ng ating Pangulo!

‘Yun lang!

NAUDLOT NA SILENT PROTEST
NG BI EMPLOYEES

031816 immigration NAIA plane

NITONG nakaraang Biyernes, hindi natuloy ang binalak na protesta ng mga kawani ng Bureau of Immigration (BI).

Plano sana nilang magsuot ng damit na itim at pulang arm band bilang simbolo ng panawagan sa pamahalaan partikular kay Pangulong Rodrigo Duterte para irekonsidera ang pagkakaloob ng overtime pay sa lahat ng mga kawani ng ahensiya.

Ang panawagan ay ipinarating sa lahat ng sangay ng kagawaran sa field offices, airports at sub-ports sa buong Filipinas.

Kung natuloy ito, lalabas na ngayon lang sa kasaysayan ng buong BI nangyari ang ganito kalakas na pagkakaisa ng mga kawani matapos magtagumpay ang mga nakaupo sa gobyerno na kompiskahin ang koleksiyon ng BI Express Lane Fund.

Ilang administrasyon na ang nagdaan pero napangalagaan ang pananatili ng kanilang OT pay.

Kung tuluyang hindi na ito maibabalik pa, baka tuluyan na rin magsilisan o magbabu ang halos 2,000 kawani na umaasa sa biyaya ng kanilang overtime pay.

Naging viral rin sa social media ang tahasang pagtalikod ng ilang immigration officers sa kanilang tungkulin.

Araw-araw ay mapapansin na napakaraming empleyado ang hindi nagre-report sa kanilang mga opisina partikular ang mga naka-assign sa tatlong terminal ng Ninoy Aquino International Airport (NAIA).

Masisisi kaya sila? May nagkasakit o nagsakit-sakitan? Saang kamay nga naman ng Diyos nila kukunin ang araw-araw na pang-taxi, pang-gasolina at pambaon? Paano na ‘yung may mga anak na pinag-aaral sa kolehiyo at high school? Upa o hulog sa bahay? Kamag-anak na may sakit?

Sa halos P9,000 na matitira sa kanilang buwanang kita na P16,000, saan pa kaya ito makararating?

Tayo man ang nasa katayuan ng mga Immigration Officers ay hindi rin kakayaning magtiyaga sa kakapiranggot na kita sa 10 oras na trabaho. Lalo’t nagsunog ng kilay para sa pagpapakadalubhasa!

Ibig sabihin, ang mga kawani sa BI ay nagsipag-aral hanggang makatapos at namuhunan para makakuha nang maayos na trabaho.

Napakaraming korporasyon ngayon, partikular ang call centers na puwede naman lipatan at pasukan.

Sa ngayon ay isa itong nakaaalarmang kondisyon para sa pamunuan ng kasalukuyang administrasyon na nangangailangan ng kagyat na solusyon.

Kung patuloy na mawawala ang mga pangunahing tanod sa premiere airport and subports ng Filipinas, hindi malayong magpiyesta ang mga terorista at high risk fugitives mula sa ibang bansa?!

Anyway, ano ba talaga ang kayang gawin ng mga nakaupo ngayon diyan sa Bureau of Immigration para matugunan ang lumalalang problemang ito?

Ang latest, tuloy pa rin ang negosasyon sa Palasyo, DBM at opisyales ng dalawang employees union ng BI.

Kaya ba talagang aksiyonan gaya ng nakaraang “praise release” ng isang opisyal diyan?

Kasi kung talagang hindi na kaya ng mga kasalukuyang namumuno riyan, bakit hindi na lang sumubok nang iba?

‘YUN LANG!!!

PAGING: PDEA

GOOD am po Sir Jerry isumbong ko lang po dto samin lugar sa Katuparan Vitas, Tondo, Manila sa Bldg. 3, 2 and 1. Talamak po ang bentahan ng droga rito. Ang dami pusher at user. Sana po maaksiyonan agad ito. Salamat po.

+63929294 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Bookies ng Karera sa Pasay at Lotteng ni Jun ‘Kupal’ Lakan (For your eyes only Col Doria)

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved