HATAW! D'yaryo ng Bayan hatawtabloid.com
INIUTOS ni Interior and Local Government Secretary Ismael Mike Sueno, ang pag-aresto sa police scalawags na sangkot sa criminal activities.
Sinabi ni Sueno, may natitiktikang mga tiwaling pulis at sa susunod na mga araw ay magkakaroon ng mga resulta.
Mahigpit ang bilin ng kalihim, nais niyang sa loob ng isang linggo ay magkaroon nang magandang resulta at may mahuhuling police scalawags.
Tiniyak ni Sueno, bilang na ang araw ng mga tiwaling pulis at gagawin nila ang lahat na sila ay maaresto, dahil sobra nang naapektohan ang imahe ng PNP, lalo sa pagkakadawit ng ilang police officers sa pagkidnap at pagpatay sa negosyanteng Koreano na si Jee Ick-joo, pinatay sa loob mismo ng Kampo ng Crame.
Sinabi ni Sueno, sinasakyan ng mga tiwaling pulis ang Oplang Tokhang na programa ni Pangulong Rodrigo Duterte, para magkapera.
