Friday , January 18 2019
Breaking News
You are here: Home / News / 4 patay, 3 sugatan sa enkwentro sa Mindanao

4 patay, 3 sugatan sa enkwentro sa Mindanao

COTABATO CITY – Apat ang patay at tatlo ang malubhang nasugatan nang magpatupad ng search warrant ang pulisya at militar laban sa isang alkalde dakong 5:20 am kahapon sa probinsya ng Maguindanao.

Ayon kay Supt. Jimmy Daza, hepe ng Criminal Investigation and Detection Group (CIDG-ARMM), nagpatupad sila ng search warrant operation sa Brgy. Saniag, Ampatuan, Maguindanao laban kay Mayor Rasul Sangki.

Lumaban ang mga tauhan ni Sangki kaya sumiklab ang matinding palitan ng putok sa magkabilang panig.

Tumindi ang enkwentro nang magresponde ang armadong grupo na kapanalig ng alkalde.

Umatras ang armadong kalalakihan nang dumating ang dalawang MG-520 attack helicopters ng Philippine Air Force (PAF) na tumulong sa ground force ng pulisya at pinagsanib na puwersa ng 57th at 19th IB.

Apat sa mga tauhan ni Sangki ang napatay at tatlo ang nasugatan, kabilang ang isang pulis.

Si Sangki ay kabilang sa tinaguriang narco-politicians na pinangalanan ni Pangulong Rodrigo Duterte.

About hataw tabloid

Leave a Reply

Your email address will not be published. Required fields are marked *

*

Scroll To Top