Thursday , November 15 2018
Breaking News
You are here: Home / Opinion / Don’t bite the hands that feed you
Don’t bite the hands that feed you

Don’t bite the hands that feed you

KUNG condom-condom lang ang usapan, wala naman sigurong masama kung magkaroon man ng argumento sina Aiza Seguerra at ang tatay-tatayan niyang si Senator Vicente “Tito” Sotto.

Normal lang din magkasalungat ang mga basehan nila kasi nga magkaiba sila ng punto.

Pero kung magiging emosyonal ang isang panig kapag salungat sa kanya ang isang panig, parang hindi naman tama ‘yun.

Kung sinabi man ni Sen. Sotto na hindi angkop sa ating lipunan ang pamamahagi ng condom sa mga kabataan, siya ay nagpapahayag ng kanyang opinyon. Hindi naman ito dahil si Aiza ang nagsasalita.

Ibig sabihin, sa ideya salungat si Sen. Sotto hindi sa tao.

Malinaw ‘yan!

Ang dapat, isa-isang inilatag ni Aiza ang mga basehan ng kanyang argumento. Huwag ‘yung batikos na parang emosyonal.

At parang may diin na hindi nakauunawa si Tito Sen. (“Hindi po ito haka-haka, Mr. Senator. These are facts. Based on science and research.”)

012117 condom aiza tito

Higit sa lahat, hindi naman niya kailangan idaan sa Facebook ang pagbatikos sa mga kumokontra sa ideya niya.

Puwede naman niyang personal na tawagan at paliwanagan si Sen. Tito.

Kung tutuusin, hindi naman talaga ‘condom’ ang solusyon para mabawasan ang teenage pregnancy, at ang pagkalat ng HIV/AIDS.

Ang solusyon dito, maging responsable sa  pakikipag-sex.

Ang condom ay sagisag ng pag-abuso. Komo may condom na puwede na lahat? Pre-marital sex, teenage sex, multi-sex partners at iba pang anyo ng pag-abuso sa pakikipagtalik.

Wala tayong ibang makitang rason sa paggamit ng condom kung hindi ang paglabag sa moralidad ng pakikipag-sex sa maraming aspekto.

Sabi nga, may iba-ibang paniniwala, tradisyon at praktis ang mga mamamayan sa ating bansa.

Kung hindi kombinsido, ang isang tao sa iyong ideya, hindi naman siya kailangan pilitin lalo’t hindi naman sila ang target audience sa kampanya.

Sa kaso nina Aiza at Tito Sen, mas makabubuti siguro na nanahimik na lang ang itinalagang Chairperson ng National Youth Commission (NYC) bilang respeto sa isa niyang tatay-tatayan.

Totoong may talent nga si Aiza, mula noong pagkabata, pero siyempre huwag niyang kalimutan na ang nagbigay sa kanya ng break sa showbiz ay sina Tito, Vic & Joey.

‘E marami nga riyan may talent pero hindi nabibigyan ng suporta sa showbiz ‘di ba?

Hindi naman siguro siya mapapansin ni Pangulong Rodrigo “Digong” Duterte kung hindi siya naging Aiza Seguerra muna.

May kasabihan nga, “matuto kang lumingon sa iyong pinanggalingan at baka hindi ka makarating sa iyong paroroonan” at sa Ingles, “don’t bite the hands that feed you.”

NOT A GOOD NEW YEAR
FOR BI EMPLOYEES

091216-immigration

BUMULAGA sa taong 2017 sa Bureau of Immigration (BI) rank & file employees ang nakapanlulumong balita tungkol sa hindi inaasahang pag-veto ni Pangulong Rodrigo Duterte sa ilang provisions ng P3.35 trillion budget para General Appropriations Act para sa taong 2017.

Ayon sa nasabing provision, ang mga kinikita at budget ng mga ahensiyang tinamaan ay papasok sa General Fund ng gobyerno para ipandagdag sa budget ng taon.

Kasama nga sa mga ahensiyang tinamaan ang Bureau of Immigration (BI) na ang kinikita sa kanilang Express Lane Fund ay inilalaan para sa overtime pay para sa mga empleyado.

Kasama na rin diyan ang ipinasusuweldo sa hired contractual confidential agents at job orders.

Halos mawindang at manlumo ang lahat dahil sa hindi inaasahang pangyayari.

Ilang dekada at administrasyon ang dumaan pero hindi kailanman napakialamanan ng pamahalaan ang tungkol sa express lane fund ng ahensiya.

Maliwanag din na hindi napaghandaan ng “bright boys” sa Bureau ang nakapanlulumong development na ito.

Noon pa man ay sinasabing darating ang panahon na sisilipin ng sino mang uupo sa puwesto ang koleksiyon ng “express lane” ng BI.

Pero ilang ulit na naisalba ang tangkang turn-over sa gobyerno sa tulong na rin ng ilang kongresista at politiko na nagmamalasakit sa kagawaran.

Noong nakaraang administrasyon ay unti-unting trinabaho ng mga tao ni PNoy ang pagkuha sa nasabing kita, at dito na nga sa panahon ni Digong nag-materialize ang lahat!

Thanks but no thanks specially to Sen. Frank Drilon na isa sa umepal nang husto na kontrahin ang OT pay from the express lane fund.

So paano na ngayon ang magiging kapalaran ng mahigit dalawang libong kawani na umaasa sa nasabing express lane fund?

Haayyy…kay saklap na change is coming sa BI.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Mga salamisim 3

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved