HATAW! D'yaryo ng Bayan hatawtabloid.com
TWICE kong pinanood ang Die Beautiful na hanggang ngayon ay palabas pa sa ibang sinehan. Ang main reason, gusto kong mapanood ang mga eksena ng baguhang si Christian Bables (Barbs) na ginampanan ang role na BFF ni Paolo Ballesteros (Trisha).
Parehong triumphant ang dalawa dahil itinanghal na Best Actor si Paolo at Best Supporting Actor naman si Christian.
Actually, marami nga ang nag-aakalang isang Beaucon aficionado in real life si Christian dahil sa galing niya. Hindi mo talaga aakalain na straight siya dahil kahit sa eksena na wala siyang wig at high school student pa lang sila ni Trisha eh beki na talaga ang acting. Kung gaano kahaba ang role ni Paolo sa pelikula ganoon din kahaba ang role ni Christian.
Ito ang biggest break ni Christian gayundin si Paolo.
Pero before Die Beautiful, nai-cast na si Christian sa I Love You To Death but sad to say, kakaunti lang ang nakaalam na naroon pala siya dahil natuon ang publicity sa mga bidang sina Kiray Celis at Enchong Dee.
MAKATAS – Timmy Basil
