Maine, ‘di totoong lumaki na ang ulo

ISA si Allan K sa mga pinakamalalapit na kaibigan sa showbiz ni Maine Mendoza. Kaya naman ipinagtanggol ng una ang huli laban sa bashers nito.

“’Pag sikat ka naman, ganoon. Lalo na ma-social media siya. Lahat mayroon siya, Snapchat, Wazzup, may blog pa siya, Twitter, Instagram, Facebook. You cannot argue with success. Basta siya si Maine Mendoza, tapos! Superstar siya, tapos!,” sabi ni Allan K sa interview sa kanya saPep.ph.

Kaya naman maraming bumabatikos ngayon kay Maine ay dahil maraming nagsasabi na nagbago na raw ito, na lumaki na raw ang ulo nito dahil sikat na sikat na siya. Pero ayon sa magaling na komedyante at TV host, wala raw naman siyang napapansin na nagbago na ang ka-loveteam ni Alden Richards.

“Ay, wala, until now. At saka kung may kilos man siyang mali, maiintindihan mo. Bago ‘yan. One year pa lang. Out of nowhere, dinampot at ginawa niyong artista. Bigla niyong sinuperstar, parang Nora Aunor. Parang binigla mo ang bata, ‘Ay, ay, teka lang. Nagbabantay lang naman ako ng gasolinahan namin, ‘di ba? Tapos out of boredom, nagda-Dubsmash ako.’” aniya pa.

MA at PA – Rommel Placente