HATAW! D'yaryo ng Bayan hatawtabloid.com
BINAWIAN ng buhay ang isang babae at isang dating tanod na hinihinalang sangkot sa illegal na droga makaraan pagbabarilin ng pinaniniwalaang mga miyembro ng vigilante group sa magkahiwalay na lugar sa Malabon City kamakalawa ng gabi.
Kinilala ang mga napatay na sina Cristine De Luna, 29, ng Phase 5, Flovi Homes 2, Letre, Brgy. Tonsuya, at Ricky Alabon, 44, caretaker ng cell site at residente ng 69 Orange Road, Brgy. Potrero, kapwa ng nasabing lungsod.
Ayon sa ulat ng pulisya, habang naglalakad si De Luna sa Block 9, Lot 42, Phase 4, Flovi Homes 2, Letre nang lapitan ng isa sa tatlong hindi kilalang mga suspek at siya ay pinagbabaril.
Samantala, ayon kina SPO2 Jerry Dela Torre at PO2 Benjamin Sy Jr., dakong 11:00 pm nakikipagkuwentuhan si Alabon sa mga kaibigan sa Orange Road nang pagbabarilin ng tatlong hindi nakilalang mga suspek.
( ROMMEL SALES )
