James, ‘di nakasipot sa launching ng libro nila ni Nadine

WALANG James Reid na sumipot sa nakaraang launching ng librong Team Real at DVD ng This Time sa Trinoma Activity Center noong Linggo.

Nasa Trinoma Mall ang mga kaibigan namin at kuwento nga nila ay punumpuno raw ang buong ground floor ng nasabing mall at hinahanap talaga si James.

Kaagad namang inanunsiyo ni Nadine na hindi makararating ang ‘hubby’ niya at hindi naman narinig ng mga kaibigan namin ang dahilan.

Bulong naman sa amin ng aming source, nagpapahinga raw si James dahil sobrang napagod ito.

Inisip namin na baka nasa taping ng Til I Met You, pero bakit si Nadine ay nakasipot sa nasabing launching?

Anyway, maski na wala si James sa launching ay maram pa ring bumili ngTeam Real book at This Time DVD with matching autograph pa.

Ano sa tingin mo Ateng Maricris, bakit hindi nakasipot si James?  Ano say ng source mo? (Ang alam ko talagang nakabakasyon si James itong buwan ng Hulyo—ED)

ni Reggee Bonoan