Madalas na split dance sa Wowowin, ikinababahala ng mga ina

MISTULANG magpa-Pasko sa loob ng studio ng Wowowin kapag oras na ng programa nito. Bawat isa ay sumasayaw, pumapalakpak sa sobrang kasiyahan lalo na kapag pumasok na si Willie Revillame at aawitan ang mga tagahanga.

Subalit sa kabila ng kasiyahang ito, may mga nanay kaming nakausap na naalarma sa tuwing may magpapakita ng split dance. Parang karaniwang gawain lang ng isang dancer ang mag-split. Kahit nga mga beke nagpapamalas nito.

Naalarma ang mga ina ng tahanan na ginagaya raw kasi ito ng kanilang mga anak na bata pa kaya kung maaari raw ay limitahan pagpapakita nito dahil tinutularan ng mga anak nila at lubhang mapanganib lalo’t babae ang mga anak nila.

SHOWBIG – Vir Gonzales