Kilalang aktres, may pagka-luka-luka

MAY pagka-luka-luka pala talaga ang kilalang aktres dahil mahilig mag-drama kapag may nakakita sa kanyang fans na gustong magpa-picture.

Kuwento mismo ng kaibigan naming nasa katabing upuan, ”nagtatawanan sina (kilalang aktres) at PA niya, tapos nakita ni (kilalang aktres) na papalapit ang fans biglang humiga at tumalikod.

“Siyempre ‘yung fans hindi na tumuloy kasi nga nakita nilang humiga at tumalikod na, nahiya na sila.

“Noong lumayo na ang fans, sabi niyong PA niya, ‘wala na, umalis na sila’, at saka tumayo si (kilalang aktres) at nagtawanan sila. ‘Di ba luka-luka?

“Akala nila mabait, kasi naman ‘pag naiinterbyu sa TV mabait, pero maldita ‘yan. Sabagay inaamin naman niya na may pagka-ganoon siya.”

Tanda namin ay ilang beses na ring naba-blind item itong si kilalang aktres pero ibang isyu naman at may nagsabi ring taga-production na nakatrabaho niya na may ugali ‘pag wala sa mood, pero mabait naman daw talaga.

Siguro nga, tama ang terminong ginamit ng aming kaibigan, ‘luka-luka.’

Pero base naman sa nakikita namin sa aura ngayon ng kilalang aktres ay masayang-masaya siya kasi super-in-love.

( Reggee Bonoan )