HATAW! D'yaryo ng Bayan hatawtabloid.com
NAPATAY ng mga pulis ang isang lalaki makaraan patayin sa saksak ang kanyang misis at malubhang nasugatan ang kanyang apo kahapon ng madaling-araw sa Calamba City, Laguna,.
Kinilala ng Calamba City Police ang napatay na suspek na si Patricio Gonzales Sr., residente ng Purok 3, Brgy. Sucol ng nasabing lungsod.
Ayon sa mga imbetigador, inatake ng suspek ang kanyang 68-anyos na misis gamit ang kutsilyo dahil sa selos.
Pagkaraan ay inudayan din niya ng saksak ang apo na si Julis Bong Gonzales, 13-anyos.
Naganap ang insidente sa loob ng kanilang bahay pasado 4:00 am kahapon.
Ayon sa pulisya, binaril at napatay ng mga awtoridad si Gonzales nang tangkang atakehin din ng kutsilyo ang nagrespondeng mga pulis.
