PATAY ang isang Chinese na hinihinalang drug lord makaraan tadtarin ng saksak sa Tondo, Maynila kahapon ng madaling-araw.
Ang biktimang hindi pa nakikilala ay tinatayang nasa edad 50-55 anyos, may taas na 5’9, katamtaman ang pangangatawan at nakasuot ng polo shirt at itim na pantalon.
Ayon sa imbestigasyon ni SPO2 Charles Duran ng Manila Police District Homicide Section, dakong 4:40 a.m. nang matagpuan ang bangkay ng biktima sa Delpan fly over north bound sa Tondo.
Natagpuan ang biktimang nakatali ng packaging tape ang mga kamay at may nakapatong na karton na may nakasulat na “Chinese drug lord Li Peng Hui.”
( LEONARD BASILIO, may kasamang ulat nina Kimbee Yabut at Joana Cruz )