Tuesday , August 4 2020
Breaking News
You are here: Home / Showbiz / Richard, type maging character actor
Richard, type maging character actor

Richard, type maging character actor

00 SHOWBIZ ms mMAS guwapo sa personal ang binatang nakilala sa It’s Showtime bilang Mr. Pastillas o Richard Parojinog, pero ‘di raw niya pangarap maging heartthrob. Bagkus mas nais niyang maging character actor.

Ito ang naikuwento sa amin ni Richard nang makausap namin ito sa isang meryenda chikahan kasama ang kanyang manager na si Dominic Rea.

Ani Richard, alam niya ang kanyang kapasidad at kung saan siya nararapat.

Kahanga-hanga nga ang kanyang ginawang pagtanggi para maging miyembro ng Hashtags dahil hindi naman daw siya marunong magsayaw. Pero magaling siyang kumanta.

Pinanghinayangan nga namin ang ginawang pagtanggi ni Richard sa Hashtags pero aniya, ayaw daw niyang maging trying hard kahit sabihin pang napag-aaralan naman ang pagsasayaw. Hindi lang siguro talaga komportable ang binata na sumayaw.

Basta ang pinagbubuti niya ngayon ay ang acting workshop. “Nagwo-workshop po ako ngayon sa Star Magic kay direk Rahyan Carlos. Then after this, voice speech naman po,” sambit ni Richard.

Desidido si Richard na mag-concentrate sa showbiz kaya umaasa siyang mabigyan sana siya ng puwang sa industriyang ito.

Inalok din pala siya noon ng Viva ng five years contract, subalit tinanggihan niya ito dahil wala raw kongkretong plano.

Anyway, bukod kay Anne Curtis na sobrang crush niya, aminado rin ang binata na gandang-ganda siya kay Liza Soberano. “Na-starstruck po ako sa kanya at noong nakita ko siya ng personal eh, nanginig talaga ako lalo na noong nagpa-picture ako sa kanya,” kuwento pa ng binata na nagtapos ng HRM.

SHOWBIZ KONEK – Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top