HATAW! D'yaryo ng Bayan hatawtabloid.com
MAGBABAGO ang takbo ng buhay pag-ibig ni Maricel (Melai Cantiveros) matapos niyang hayagang aminin ang tunay na nararamdaman para sa ama ng kanyang anak na si Pocholo (Carlo Aquino) sa Kapamilya afternoon series na We Will Survive.
Matapos makipaghabulan ni Pocholo sa isang snatcher, hindi napigilan ni Maricel na aminin ang kanyang pagmamahal para sa kanyang dating kaibigan dala ng lubos na pag-aalala para rito. Dahil naman sa biglaan niyang pag-amin, mas malaya nang maipararamdam ni Pocholo ang kanyang pagmamahal ngayong handa na si Maricel na muling buksan ang kanyang puso.
Samantala, tuloy-tuloy naman ang paghahanda ni Edwin (Jeric Raval) para sa sorpresang proposal niya kay Wilma (Pokwang). Ngunit sabay sa kanyang palihim na preperasyon ay ang mga maling hinala ng kanyang nobya na dahilan para pagdudahan siya.
Magtuloy-tuloy na kaya ang magandang takbo ng pag-iibigan nina Pocholo at Maricel? Paano pa kaya maitatago ni Edwin ang kanyang sorpresa kay Wilma? Patuloy kayang umayon ang kapalaran sa kanilang mga buhay?
UNCUT – Alex Brosas
