Mayor Lim pinapurihan ng communities
Leonard Basilio
April 25, 2016
News
PINAPURIHAN ng mga residente ng ‘depressed communities’ sa Maynila ang nagbabalik na alkalde na si Alfredo S. Lim dahil sa pagiging katangi-tanging kandidato para alkalde, na bumisita nang personal sa kanilang mga tahanan.
Sa kanilang pagtanggap sa alkalde, nagpahayag nang pagkagulat at pagkatuwa ang mga residente nang makita si Lim, na taliwas sa ipinakakalat ng mga kalaban, ay nananatiling malakas at malusog, lalo pa’t nakita nila ang uri ng pangangampanya sa bahay-bahay sa gitna ng tirik na araw.
Habang idinetalye ng chief of staff ni Lim na si Ric de Guzman, ang araw-araw na campaign schedule ni Lim na binubuo ng pagbabahay-bahay sa umaga, motorcade sa hapon at mga caucus naman sa gabi.
Sa kanyang house-to-house campaign, personal aniyang nakakausap ni Lim at nakikilala ang mga residente, na pawang natutuwa na nakikitang malakas pa si Lim ‘di gaya ng mga malisyosong paninira ng kanyang mga katunggali sa politika.
Sa tuwing maririnig naman ito ni Lim, pabiro niyang sinasabi sa mga residente na ang tanging kondisyon meron siya ay pagiging ‘lovesick’ dahil nami-miss niya ang kanyang maybahay sa tuwing siya ay nasa labas.
Pinuri ng mga residente si Lim na anila ay tanging kandidato para mayor na pumupunta sa kanila at maging sa kaliit-liitang iskinita ng kanilang komunidad upang sila ay personal na mabisita.
Habang ayon kay De Guzman, ito ang paraan ni Lim upang personal na malaman ang kondisyon ng pamumuhay ng mga taga-Maynila lalo na ng mahihirap, upang agad niyang maibigay ang pangangailangan sa kanyang pagbabalik sa City Hall, bukod sa mga programang ipinatupad na ng kanyang administrasyon.