Wednesday , June 26 2019
Breaking News
You are here: Home / Showbiz / Jolina, Melai, at Karla, tampok sa Magandang Buhay
Jolina, Melai, at Karla, tampok sa Magandang Buhay

Jolina, Melai, at Karla, tampok sa Magandang Buhay

SINA Jolina Magdangal, Karla Estrada at Melai Cantiveros ang mga host ng bagong morning show sa ABS CBN na pinamagatang Magandang Buhay. Ito bale ang papalit sa timeslot ng dating talk show na Kris TV ni Kris Aquino.

Matatandaang magkakasama noon bilang celebrity contestants sa Your Face Sounds Familiar Season 1 sina Melai, Jolina, at Karla.

Nagpahayag si Melai nang sobrang kasiyahan sa bagong blessings na ito para sa kanya at sa family niya.

“Sobrang saya, nagpapasalamat talaga ako sa Diyos for another blessing sa pamilya namin ni Jason. Malaking tulong ito para sa anak ko. Siyempre, for her future,” saad ng komedyana.

Ayon pa kay Melai, walang kaso kung mapagod man siya sa dalawa niyang daily shows, dahil ang mahalaga raw ay ang future ng kanyang anak.

Magkahalong kaba raw ang naramdaman niya nang kinuha siyang host ng talk show sa Magandang Buhay. Ngunit dahil sina Jolens at Karla ang kasama niya, kahit paano raw ay nawala na rin ang kanyang kaba.

Sinabi pa ni Melai na sa palagay daw niya, kaya sila kinuha ng Dos ay dahil sa naging maganda ang samahan nila sa Your Face Sounds Familiar, na nauwi talaga sa pagiging magkakaibigan nila.

ALAM MO NA! – Nonie V. Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top