Alden, mapagmahal sa fans

BILIB na bilib talaga kami kay Alden Richards dahil kahit saan siya magpunta ay binibigyan niyang pagpapahalaga ang mga tagahanga.

Ikinuwento sa amin ng isang fan mula sa Edmonton, Canada ang naging experience niya nang makaharap ang Pambansang Bae. Aniya, labis ang kanyang tuwa nang makilala ng kanyang batang anak si Alden.

“Hindi ko ma-explain. Ngayon lang ako humanga sa isang artista at si Alden ‘yun. Nakita ko ‘yung sincerity n’ya at pagmamahal sa fans at na-experience ko ‘yun. Masaya ako kahit saglit lang na nakasama ko siya naramdaman ko ‘yung pagpapahalaga n’ya sa mga taong nagmamahal sa kanya.

“Higit sa lahat ang hindi ko makakalimutan ay ‘yung kasiyahang idinulot niya sa anak kong si Michayla. Mahal na mahal siya ni Michayla at noong oras na ‘yun noong nakita ko na kinarga ni Alden ang anak ko. Nakita ko ‘yung kasiyahan sa mukha niya. Walang katumbas para sa isang ina na makita na masaya ‘yung anak mo dahil nakita n’ya ‘yung iniidolo niya. Kahit sa murang edad nakita ko ‘yung appreciation niya. Hanggang sa pag-uwi dala n’ya ang ngiting walang katumbas,” paglalahad ni Haydz Vivero na miyembro ng Alden International.

TALBOG – Roldan Castro