HATAW! D'yaryo ng Bayan hatawtabloid.com
Sumiklab si former National University Bulldogs star Bobby “Ray Ray” Parks Jr.sa NBA D-League matapos tumikada ng 16 points para akbayan ang Texas Legends sa 139-109 panalo kontra Oklahoma City Blue sa Dr. Pepper Arena sa Frisco, USA.
May follow-up stats pa si Fil-Am guard at two-time UAAP Most Valuable Player Parks ng four rebounds at tig tatlong assists at steals sa 24 minutong paglalaro.
Sa fourth period, sumalpak ng isang malutong na dunk si Parks, anak ng dating PBA best import Bobby Sr. para lalong buhayin ang Legends at ilista ang pang 23rd win sa 49 na laro.
Umarangkada sa opensa ng Legends si Andre Dawkins na may 36 points, nag-ambag si Chris Douglas Roberts ng triple-double, (20 points, 11 rebounds at 10 assists).
Kumana si Jannero Pargo ng 25 points para sa Oklahoma City na nalasap ang pang 31st na talo sa 50 na laro.
Nakapamewang sa third spot sa Southwest Division ang Legends sa likuran ng Austin Spurs na may 29-20 record at Rio Grande Valley Vipers (28-21).
( ARABELA PRINCESS DAWA )
