Overhaul sa poll preps ‘di pa kailangan

NILINAW ng Comelec na hindi pa kailangan i-overhaul ang buong election preparation dahil sa ilang problema sa source code at ballot printing.

Ayon kay Comelec Chairman Andres Bautista, lubhang mabigat kung gagawin ang overhaul.

Masyado aniyang malaki ang salitang ito para isalarawan ang simpleng pagsasaayos ng ilang aberya.

Sinabi ni Comelec spokesman James Jimenez, kakayanin sa ‘fine tuning’ ang kanilang mga natuklasang problema.

“Not overhaul, but fine tuning. We have a good structure in place and we want to make sure it works,” wika ni Jimenez.

Katunayan, ginagawa na ito at inaasahang makahahabol sa kanilang timetable sa susunod na mga linggo.

Kabilang sa iwinawasto ang ilang isyu sa canvassing consolidation system (CCS) at vote counting machines (VCM).