HATAW! D'yaryo ng Bayan hatawtabloid.com
KINONDENA ni Nueva Ecija congressional candidate Rosanna “Ria” Vergara ang mga batikos mula sa kampo ni Gov. Aurelio Umali na isang panggigipit sa politika, pinaratanganan din niyang ang likod ng kasong diskuwalipikasyon na isinampa ng isang Philip Piccio.
Sinabi ni Vergara, asawa ni Cabanatuan City Mayor Jay, si Piccio ay isang ‘attack dog’ ni Umali, na tumatakbo rin bilang kinatawan ng ikatlong distrito.
Si Umali ay nasa huling termino bilang gobernador.
Nagsampa si Piccio ng cancellation of certificate of candidacy laban kay Vergara, upang matiyak ang tagumpay ni Umali sa susunod na election May 2016.
Inakusahan ng congressional bet na ang motibo lamang ni Piccio ay isang ‘paghihiganti’ laban sa kanila dahil noong 2013, ipinagharap ng siyam na kaso ng libelo na hanggang ngayon ay nililitis.
Ang mga kasong libelo ay nag-ugat sa mga paratang ni Piccio na si Mayor Jay ay isang US immigrant nang siya’y maging Mayor ng Cabanatuan sa loob ng limang termino.
“I am fully confident that the law is on my side. I am a natural-born Filipino citizen. I have been a registered voter in the City of Cabanatuan since 1994, and as such, have been a resident thereof at least since that time. I am more than qualified and, more to the point, competent to run as and BE the Representative of the Third District of Nueva Ecija,” pahayag ng tumatakbong kongresista.
“This is nothing more than personal and political vendetta,” diin niya.
Ayon kay Vergara, lumabas ang naturang balita nang ihayag ang kanyang kandidatura, na agad nagsalita si Umali na magiging isang “walk in the park” upang matalo siya.
“No question or comment about my qualifications as a would-be candidate. Since I started going around and because I have gained a strong following , my opponent has now resorted to filing this frivolous case and Mr Piccio, who happens to be his lackey, is the appointed political assassin,” giit niya.
Sinabi ni Vergara, wala siyang itinatago at nakahandang harapin si Umali bilang kanyang katunggali.
