Monday , September 16 2019
Breaking News
You are here: Home / News / MIAA nagbuo ng special elite security unit

MIAA nagbuo ng special elite security unit

NAGBUO ang Manila International Airport Authority (MIAA) ng elite security force bunsod ng mga insidente ng pambobomba at pagtaas ng banta ng terorismo sa Filipinas at ibang bansa.

Binuo ng MIAA ang Special Reaction Unit (SRU) ng airport police department bilang pagtupad sa International Civil Aviation Organization’s (ICAO) requirement na ang bawat paliparan sa bansa na may domestic and international operations ay dapat magbuo at magsanay ng sariling security.

Ang SRU ay sinanay sa training facility ng Philippine Air Force sa Pampanga, at dumaan sila sa masusing ‘physical and physiological exercises.’ Ang mga miyembro ng elite SRU ay bihasa rin sa automatic rifles at handguns, at kayang gupuin ang manggugulo sa eroplano, o sa airport terminal.

Sila ay armado ng stun guns para sa mga maggugulo na dapat agad mapigilan.

Ang bawat miyembro ng SRU ay nakasuot ng bullet proof vest, Kevlar helmet, at eye wear protection. Bihasa rin sila close quarter combat.

Plano ng SRU ang pagbili ng sariling drone o unmanned aerial vehicle, na gagamitin sa airport surveilance para sa pagresponde sa mga insidente ng kaguluhan.

Pinagkalooban sila ng MIAA ng radio communication at mga sasakyan para sa mabilis na pagresponde sa emergency cases.

About G. M. Galuno

Leave a Reply

Your email address will not be published. Required fields are marked *

*

Scroll To Top