Pamilya ni Edgar Allan, boto kay Maxene

 

SECOND chance! Nabalitaan pa lang sa social media ang pagsasama at pagtatambal ng tinutukan sa Your Face Sounds Familiar na sina Maxene Magalona at Edgar Allan Guzman kilig na agad at excitement ang reaksiyon ng mga nag-aabang na sa sasalangan nilang episode sa MMK (Maalaala Mo Kaya) sa Sabado (Hulyo 18, 2015) sa Kapamilya, 8:30 p.m..

Ang cute rin naman kasi ng mga sinalangan nilang eksena bilang magkasintahan ang roles nila bilang sina Tess at Joey na nakatakdang magpakasal pero natuklasan ni Tess na nagkaroon ng babae ang kanyang kasintahan.

Kaya ang tanong ay kung hinarap ba ni Tess ang sakot ng kanyang loob o naayos pa rin ba ang kanilang pagsasama?

Nausisa ko nga si Maxx tungkol sa inisip ng mga tao noon na nanligaw sa kanya si EA.

“Hahaha hindi po siya nanligaw sa akin! EA and I are just friends and we are very comfortable working with each other. Magkaibigan lang kami and we can talk to each other about anything. Masaya rin katrabaho si EA kasi nakakatawa siya at saka napakahusay na actor. Inspired ako sa pagiging hardworking niya na tao. ‘Yun lang po.

“Maganda ‘yung istorya ng ‘MMK’ namin. Tungkol sa magnobyo na dumaan sa mga pagsubok. Our episode also commemorates the 25th anniversary of the infamous earthquake sa Hotel Nevada in Baguio.”

Kinalampag ko na rin si EA.

“Wala po akong time for love ngayon. Work at career ang priority ko kaya maganda at kasama ko sa work ang taong crush ko noon pa man. Ang alam ko po boto talaga kay Maxene ang pamilya ko talaga. Pero friends lang po talaga kami.

“This ‘MMK’ is significant kasi this is the first time ever na nag-work together kami in an acting project kaya bigay todo, bigay kilig sila rito. Maski kami kinilig sa ginawa namin.

“Long time friends and lovers kami na nagkahiwalay. Siya nasa Baguio and then something happened. ‘Yun ang cliffhanger…”

Joining EMax in this episode are Ricardo Cepeda, Rochelle Barrameda, Pinky Amador, Ronalisa Cheng, Maggie dela Riva, Deydey Amansec, Roxanne Barcelo,Lui Villaruz and AJ Muhlach. Mula sa iskrip ni Mark Duane Angos at direksiyon ni Frasco Mortiz.

HARDTALK – Pilar Mateo