1 patay, 20 sugatan sa salpukan ng 2 van

GENERAL SANTOS CITY – Hawak na ng pulisya ang traysikad driver na si Benjamen Enojo, itinurong responsable sa banggaan ng dalawang van na nagresulta sa pagkamatay ng isa at pagkasugat ng 20 biktima kahapon.

Una rito, agad binawian ng buhay ang utility van driver na si Jerson Macua ng Sta. Maria, Davao del Sur, nang maipit sa manibela ng van (AAH-4452).

Habang hindi makausap ang passenger van driver na si Atra Abas na nawalan ng malay.

Una rito, dakong 5 a.m. biglang pumasok sa four lane ang sikad unit sa crossing Ligaya Katangawan road kaya’t inilagan ng AGP van (XPY-565) na papuntang Davao.

Hindi pa makompirma kung ang passenger van ang pumunta sa pangatlong lane kaya’t nasalubong ang utility van ng Lapanday Foods na papuntang Tampakan, South Cotabato na may kargang mga field technician.

‘Head-on collision’ ang banggan ng dalawang van na nagresulta sa insidente.

Isinugod sa iba’t ibang pagamutan ang 20 sugatan sa insidente.