Bea at Claudine, ipapalit kay Juday sa serye nila ni Richard

TALBOG – Roldan Castro . 

MARIAN Rivera ang peg ngayon ni Judy Ann Santos. Kung si Marian ay napalitan ni Rhian Ramos sa serye sa GMA, dahil maselan ang pagbubuntis, si Juday naman ay balitang papalitan na rin sa serye nila ni Richard Yap na Someone To Wach Over Me.

Gusto kasi ng Soap Opera Queen na alagaan ang sarili habang preggy at kailangan niyang magpahinga.

At least, hindi mababakante si Sir Chief kahit iba na ang leading lady niya. Hindi rin mauudlot ang comeback teleserye ni Diether Ocampo. Marami ang nagsa-suggest na si Bea Alonzo ang sakto at bagay na replacement ni Judy Ann sa serye.

Puwede ring isugal nilang comeback teleserye ni Claudine Barretto na dating karibal ni Juday noong aktibo pa siya, huh! Dati ring ka-partner ni Claude si Diet kaya may chemistry na.

At least, diyan mapatutunayan kung may asim pa ang tinaguriang “The Optimum Star” at kaya pa ring magdala ng isang serye.

Pak!