Anak akusado sa kasong murder isinuko ng amang vice mayor (Sa Ilocos Norte)

LAOAG CITY – Mismong si Ding-ras, Ilocos Norte, Vice Mayor Joeffrey Saguid ang nagsuko sa kanyang anak na si Barangay Chairman Melcon Saguid na nahaharap sa kasong murder.

Ayon sa bise alkalde, ito’y makaraan nagpakita sa kanya ang anak para dumalo sa kanyang birthday celebration kahapon.

Aniya, kinausap niyang maigi ang kanyang anak na kaila-ngang harapin ang kaso upang patunayan na siya ay inosente.

Inihayag ni Saguid na bagama’t masakit sa kanya bilang ama ang kanyang ginawa ay kinailangan niyang tuparin ang pangako sa mga mamamayan.

Kung maaalala, nagtago ang nakababatang Saguid na kapitan ng Brgy. Guerrero, Dingras, Ilocos Norte, at ang ibang mga akusado sa nasabing kaso bago pa man ipinalabas ang warrant of arrest para sa kanila.

May kaugnayan ito sa pagkamatay ng nagngangalang Glen Guerrero sa nabanggit na lugar.