HATAW! D'yaryo ng Bayan hatawtabloid.com
ni Roland Lerum
INAMIN ni Nora Aunor sa isang interbyu na may pagtingin na siya kay Vilma Santos noon pa.
“Crush ko siya talaga noon. Bumibili pa nga ako ng bulaklak noon para ibigay sa kanya. Pinanonood ko rin ang mga pelikula niya noon gaya ng ‘Ging’ at ‘Trudis Liit’.”
Hindi namin alam kung bakit nagkuwento pa ng ganito si Ate Guy komo’t ipinalabas kamakailan ang restored T-Bird at Ako sa UP Theater.
Wala nang problema si Nora kay Coco Martin na inutangan niya ng malaki at ipinamalita naman nito. Nagkapatawaran na sila nang magkita sa Gawad Tanglaw awards night. Ewan kung bayad na ang utang niya. Kaya siguro idinaldal ni Coco ay hindi pa siya bayad completely. Heto nga’t pinoproblema ngayon ng superstar ang kanyang nakatakdang pagpapa-opera ng lalamunan para makakanta siyang muli. Sa Boston Hospital sa Massachuserrs USA ito gagawin.
At dahil dito, umayuda naman sina Boy Abunda at Kris Aquino. Sasagutin ni Kuya Boy ang gastos sa operasyon. Si Kris naman sa air fare. Kaya nga hindi maitago ang katuwaan ni Bulilit star sa The Buzz.
Ayaw pa sana niyang mag-guest dito. Buti na lang nagbago ang isip niya. Eh, ‘di pinangakuan siya tuloy nina kuya Boy at Tetay ng tulong!
