Paulo, inakusahang manggagamit

ni Alex Brosas

SUPER imbiyerna si Paulo Avelino sa bashers niya kaya naman nagpatutsada siya sa kanyang Twitter account.

Halatang napikon si Paulo nang ma-bash siya matapos kumalat sa social media ang dinner date nila ni Jasmine Curtis Smith. Dahil sa naglabasang pictures nila ay sumama ang image ni Paulo na inakusahang ginagamit lang si KC Concepcion at ngayon naman ay si Jasmine.

“Ang kitid lang talaga ng utak ng ibang tao.”

‘Yan ang post ng hunk actor na sinasabing patama sa mga detractor at bashers niya.

“Why are you mad?,” tanong ng isa niyang follower. Pero kaagad nag-deny ang actor na galit siya at sinabing, “I’m not. It’s kind of funny actually.”

Actually, hindi naman daw talaga dinner date ‘yon nina Paulo at Jasmine. Marami silang magkakasama and that dinner came after shooting their indie film. Tila na-crop ang pictures at parang pinalalabas na dinner date nilang dalawa ‘yon ni Jasmine, bagay na ikinainit ng ulo marahil ni Paulo kaya siya nagpatutsada sa Twitter.

Eh, bakit naman kailangang mapikon ni Paulo, eh, kasimple namang intriga lang ‘yon. Ayaw ba niya ‘yon, parang ang yummy-yummy niya at maraming nababaliw sa kanyang babae?