Tiklo ni misis sa pagdodroga, mister nagbigti

CEBU CITY – Patay nang nadatnan ang isang lalaki habang nakabigti sa loob ng kanyang kwarto gamit ang sampayan sa Brgy. Punta-Engaño, Lungsod ng Lapu-Lapu, Cebu kamakalawa.

Kinilala ang biktimang si Arnel Pagobo, 25, nagtrarabaho sa isang pabrika.

Ayon kay PO1 Jade Querubin ng Homicide Section, batay sa inisyal na imbestigasyon, nahuli ng kanyang misis ang biktima habang gumagamit ng illegal na droga. Humantong ito sa mainitang pagtatalo ng mag-asawa.

Nagwala ang biktima at sinaktan ang kanyang misis na nagpasyang magtungo na lamang sa bahay ng kanyang kapatid.

Ngunit nang umuwi ang misis sa kanilang bahay ay tumambad ang katawan ng mister habang nakasabit sa kisame.