HATAW! D'yaryo ng Bayan hatawtabloid.com
SINIBAK sa pwesto ang mga tauhan ng Manila Police District (MPD) Anti-Illegal Drugs Section makaraan makitaan ang opisina nito ng hinihinalang shabu, marijuana at drug paraphernalia.
Sabado ng umaga nang lusubin ni MPD Acting Director, Sr. Supt. Rolando Nana at ng Special Weapons and Tactics (SWAT) ang opisina sa mismong headquarters ng MPD sa United Nations Avenue at madatnan ang mga droga.
Dinisarmahan ang mga pulis at ipinadala na ang mga ebidensya sa PNP crime laboratory sa Camp Crame para suriin.
Itinalaga muna sa district holding and support unit ang mga pulis na hindi isinapubliko ang pangalan.
Una nang binuwag ng MPD ang district police intelligence unit nito at ang anti-carnapping division dahil sa mga ano-malya.
Leonard Basilio
