HATAW! D'yaryo ng Bayan hatawtabloid.com
NAKATUTUWA ang apat na bida ng pelikulang Relaks, It’s Just Pag-Ibig dahil may kanya-kanya silang pambubuking sa mga sarili nila.
Heto naman si Ericka Villongco na umamin din na nakarelasyon niya ang sumisikat na aktor na si James Reid.
Kaya sumisikat ang terminong ginamit namin kay James ay dahil nakadalawang hit movie palang naman siya na pareho pa ang konsepto at mataas ang ratings ng Wansapanataymepisode nila ni Nadine Ilustre.
Anyway, si Ericka ay kapatid ni Krissy na mas kilala bilang Ericka and Krissy sisters na mina-manage ng Cornerstone Talent Management ni Erickson Raymundo.
Tsugi na ang tambalang Ericka and Krissy dahil bumalik sa pag-aaral ang ex-girlfriend ni James.
Ang paliwanag ni Ericka, ”she (Krissy) has an album po right now, ako naman, I’m back to school. And I want her (Krissy) to focus on her own thing kasi it’s her passion to sing and right original songs.”
Hinto muna ang singing career ng dalaga, ”I putting it on hold now, maybe in the future, I’ll make my own album again po.”
Nasa 2nd year college na si Ericka sa kursong Marketing sa Enderun Colleges, The Fort, Taguig City.
Pagtatapat ng dalaga na sobrang depressed siya nang maghiwalay sila ni James at nagsimula ang kanilang relasyon noong Enero 2011.
Walang ligawang nangyari kina Ericka at James, ”kasi James is Australian, and he’s not use to the Filipino culture of courtship? I met him during our music video sa ‘You Don’t Say You Love Me’, siya ‘yung leading man namin.
“We started out as friends, and then ever since then, lumalabas na kami, we were together for three and a half years (3 ½).
“It was a lot of things kaya kami naghiwalay but I guess, life happened, we wanted to focus both on our own careers and I’m very happy for him, very proud of him (James),” pagtatapat ng kontrabida nina Inigo Pascual at Sofia Andress sa Relaks, It’s Just Pag-Ibig mula sa Spring Films na idinirehe naman nina Antoinette Jadaone at Irene Villamor.
Ang dahilan ng paghihiwalay nina Ericka at James, ”he got busy then kasi for ‘Diary ng Panget’,” kuwento ng dalaga.
Hindi kaya pinayuhan si James na hiwalayan si Ericka para hindi makasagabal sa love team nila ni Nadine?
“Ay hindi naman po, no-no!” salag ng baguhang aktres.
Sobrang nasaktan si Ericka sa paghihiwalay nila ng aktor, ”I was very depressed, we were so much in love with each other, very, very.”
Bagamat ikalawang boyfriend ni Ericka si James, pakiramdam niya ay seryoso siya, ”very, very serious to the point that we can’t do anything else because we were so in love with each other but it became toxic because, like we couldn’t focus on ourselves.”
Hindi naman daw pinagalitan si Ericka ng magulang niya, ”they let me do it what I want because they also like James very much but I didn’t like it for myself as well, it got hard.”
Say pa ng dalaga, ”we bumped into each other once in a while, kasi we have the same common friends. Deadma lang kami, we looked at each other, pero wala. Bad break-up talaga.”
Mahal pa ba ni Ericka si James Reid? ”I think, you can never unlove a person, especially three years is not something you can just let out I care about him, I care about him a lot.”
Paano kung balikan siya ni James? ”Not right now.”
At walang planong magka-boyfriend ulit dahil, ”I’m scared, I mean there are some guys but I don’t want anything serious.”
In fairness, okay sina Ericka at Nadine na sinasabi ng iba na ang ka-loveteam ni James ang dahilan ng paghihiwalay nila bagay na itinanggi ng una at kung sakaling maging sila na ay okay lang.
“Not at all, kasi Nadine, right after ng breakup namin, we talked through Twitter DM (direct messaging), ‘tapos she consoled me and she told me, ‘I’m here for you,’ ayun.
“She was very nice, very down to earth. “Honestly, I wouldn’t mind if it would be Nadine, kasi, when I met her, she’s very warm; she was down to earth, just like James. Kung gusto niya at gusto ni James, then it’s up to them,” kuwento ni Ericka.
Mapapanood na ang Relaks, It’s Just Pag-Ibig sa Nobyembre 12 pero abangan muna sina Inigo, Sofia, Ericka, at Julian sa SM Fairview sa Nobyembre 9 (Linggo).
ni Reggee Bonoan
