14-anyos dalagita dinukot, minolestiya sa van

DINUKOT ang isang 14-anyos dalagita malapit sa kanyang paaralan sa Makati City kamakalawa ngunit nakatakas makaraan siyang molestiyahin sa loob ng van.

Sa salaysay ng biktima sa kanyang ina, minolestiya siya ng driver habang lulan ng van makaraan dukutin dakong 10 a.m. malapit sa kanilang paaralan.

Aniya, hinalikan siya ng driver at pinaghihipuan sa maselang bahagi ng kanyang katawan.

Pagkaraan ay pinatakbo ng suspek ang van mula sa Burgos St.,m sa Makati City patungo sa Maynila ngunit huminto sa gas station sa J.P. Rizal St. dakong 3 p.m.

Habang umiihi ang driver sa comfort room ng gas station ay mabilis na tumakas ang biktima.

Nagkita na lamang ang mag-ina sa Manila Police District’s Station 9.