HATAW! D'yaryo ng Bayan hatawtabloid.com
NAGA CITY – Apat katao ang patay habang dalawa ang sugatan makaraan sumalpok sa punongkahoy ang isang sasakyan sa Sto. Domingo, Vinzons, Camarines Norte, dakong 12:15 a.m. kahapon.
Kinilala ang mga namatay na si Raisa Antoinette Azensa, 25, private nurse sa Camarines Norte Provincial Hospital, at ang mga kasama niyang menor de edad na sina Mathew De Leon at Jed Marvin De Guzman, gayondin ang kanilang katulong na kinilala lamang sa pangalang Jack.
Nasugatan din ang isa pang nurse na si Rosalyn Tuazon, 25, at ang driver ng sasakyan na si Kevin Villamonte.
Sa ulat ng Camarines Norte Police Provincial Office, binabaybay ng isang pick-up ang kahabaan ng kalsada sa nasabing lugar nang mawalan ng direksyon dahil sa madulas na daan dulot ng pagbuhos ng ulan.
Bunsod nito, sumalpok sa isang puno ang pick-up at tuluyang bumangga sa isang kongkretong perimeter fence ng provincial motorpool.
Agad dinala sa ospital ang mga biktima ngunit idineklarang dead on arrival ang apat.
Habang patuloy na ginagamot ang dalawang iba pa.
Beth Julian/Jethro Sinocruz
