BINUHAY ng Korte Suprema ang kasong kriminal laban sa may-ari ng Sulpicio Lines na si Edgar Go kaugnay nang lumubog na MV Princess of the Stars noong 2008 na ikinamatay ng halos 800 indibidwal.
Ito’y makaraan paboran ng Supreme Court (SC) Second Division ang motion for reconsideration na inihain ng Office of the Solicitor General at Public Attorney’s Office (PAO) kasama ang daang pamilya ng mga biktima.
Una nang dinismis ng Court of Appeals (CA) ang naturang criminal case kay Go.
Ayon kay Atty. Persida Rueda-Acosta, chief ng PAO, kinasuhan si Go dahil siya ang sinasabing nagma-manage ng barko at siya ang pumayag na maglayag ang MV Princess of the Stars kahit signal number 3 na ang bagyo.
Pinagkokomento ng korte si Go sa loob ng 10 araw.