Monday , April 22 2019
Breaking News
You are here: Home / News / Trike driver ‘tagumpay’ sa ikalawang pagbibigti

Trike driver ‘tagumpay’ sa ikalawang pagbibigti

LAWIT ang dila, halos nangingitim na ang mukha ng 27-anyos na trike driver nang matagpuang nakabigti sa kusina ng kanilang kapitbahay sa President Roxas, Capiz.

Tumambad kay Edna Bendicio, kasambahay, ang nakabigting bangkay ng biktimang si Policarpio Buenavenida, sa kusina ng bahay ng amo na si Wilinito Enate, sa Elizalde St., barangay Poblacion.

Sa imbestigasyon ni PO3 Rez Bernardez, ng President Roxas Police Station, ikalawang beses nang nagpakamatay ang biktima pero naaagapan ng kanyang mga kaanak hanggang maisakatuparan kahapon.

Pahayag ng ina ng biktima, mahigpit nilang binabantayan ang biktima sapol nang unang magtangkang magpakamatay dahil sa depresyon, pero nagtaka sila kung bakit nakapuslit sa kanila.

Ayon sa ina ng biktima, umalis siya ng bahay, posibleng nagkaroon ng pagkakataon ang anak na makalabas ng kuwarto kaya nang makapunta sa kusina ng kapitbahay ay doon niya isinagawa ang pagbibigti gamit ang nylon cord.

(BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top