Special child, 2 pa sugatan sa umiwas na jeepney (Ambulansiya biglang sumulpot)

SUGATAN ang isang special child at dalawang iba pa nang araruhin ng isang pampasaherong jeep na nawalan ng kontrol dahil sa pagsulpot ng isang ambulansiya sa Taft Avenue, Ermita, Maynila kahapon.

Kinilala ang mga biktimang si Lola Lucy dela Peña, residente ng #2120 Amparo St., Sta. Ana, Maynila, at ang mag-inang sina Roselyn Agapito, at Nene, special child, kapwa residente ng Purok 1, Bayanan, Muntinlupa City, pawang inoobserbahan sa Philippine General Hospital.

Tumakas ang hindi nakilalang driver ng pampasaherong jeep na biyaheng Blumentritt-Baclaran (NYD-675) dahil sa takot na makuyog ng taumbayan.

(LEONARD BASILIO)