Batang naligo sa ulan nalunod sa estero

PATAY ang isang 7-anyos na batang lalaki nang tangayin ng malakas na agos ng tubig habang naliligo sa kasagsagan ng malakas na ulan sa Tondo, Maynila, kamakalawa.

Wala nang buhay nang matagpuan ang katawan ng biktimang si Jonard Pinoquio, ng 2416 Blumentritt St., Sta. Cruz, Maynila sa Estero de Antipolo.

Nabatid na nakuha ni SN 1 Rennel Quiacos, ng Philippine Coast Guard (PCG) ang bangkay ng biktima kahapon ng madaling-araw.

Ayon sa ina ng biktima na si Annablee Desangge, nagpaalam ang anak na maliligo sa ulan kasama ang kaibigan pero hindi na nakauwi pa hanggang matagpuan ang bangkay.

(LEONARD BASILIO)