HATAW! D'yaryo ng Bayan hatawtabloid.com
ni Ed de Leon
WALANG inilagay na pangalan si Kris Aquino sa kanyang ginawang pagbati ng happy birthday, pero maliwanag naman sa lahat halos na ang kanyang binabati ay si Mayor Bistek na nag-birthday noon.
Inamin din ni Derek Ramsay na nagkuwento sa kanya si Kris tungkol sa love affairs niyon at pinayuhan niya iyon na maging maingat at piliin naman kung sino ang makakarelasyon niyon.
Inamin na rin ni Kris na hindi sila naging mag-on ni Mayor Bistek kundi naging mabuti lamang silang magkaibigan. Pero bakit nga ba gumawa pa siya kasi ng statement sa TV tungkol sa kanilang relasyon, na naging dahilan naman para pumalag ang common law wife ni Mayor Bistek ng ilang taon na si Tates Gana?
Ang totoo matagal na rin namang hiwalay sina Mayor Bistek at si Tates, pero siguro umaasa pa nga ang babae na magkakabalikan sila.
Sino ngayon ang mas may problema? Mukhang mas magulo iyang nangyayaring iyan. Siguro nga kung nagkasundo na sina Mayor Bistek at Kris na tapusin na, o manahimik na lang sa kanilang relasyon, dapat talaga manahimik na lang sila.
