Mag-ina tinodas dahil sa sabon ng motel (Mister arestado)

KULONG ang suspek sa pagpatay sa mag-ina matapos arestuhin ng operatiba ng Taguig police, sinasabing ka-live in ng ginang, sa Taguig City, inulat kahapon.

Iniharap kay Taguig City Mayor Lani Cayetano ni Senior Supt. Arthur Felix Asis, hepe ng Taguig police, ang suspek na kinilalang si Danny Bellono, 45, ng 7 Mini Park, Fort Bonifacio.

Ani Sr. Supt. Felix Asis, selos ang  motibo sa pagpaslang na ikinamatay sa mag-inang Jonalyn, 27, at Gwen Angel Gantiao, 4-anyos, na natagpuang patay sa bakanteng lote, malapit sa Treston International College, C-5 Road, Fort Bonifacio, Global city, kamakalawa, dakong ng 6:00 ng umaga.

Sa imbestigasyon ng mga tauhan ni Chief Insp. Benito Basilio, Jr., hepe ng Investigation and Detective Management Section, nagtalo ang ginang at ang suspek nang matuklasan ng lalaki sa loob ng handbag ng ka-live-in ang sabon may tatak ng pangalan ng motel.

Nahuli ang suspek makaraang lumutang ang isang testigo na nakakita sa pag-aaway ng dalawa na nauwi sa pamamaslang ng suspek, dakong 10:00 ng gabi nitong Miyerkoles.

(JAJA GARCIA)