Monday , April 22 2019
Breaking News
You are here: Home / News / Mindanao ‘nilamon ng dilim’

Mindanao ‘nilamon ng dilim’

PINAGPAPALIWANAG ng Department of Energy ang National Grid Corporation of the Philippines (NGCP) sa nangyaring Mindanao-wide blackout kahaponng madaling araw.

Ayon kay Energy Sec. Jericho Petilla, ginagawa na nila ngayon ang paraan para maibalik ang normal na suplay sa apektadong mga rehiyon.

Una rito, inihayag ni NGCP spokesperson Cynthia Alabanza na nagkaroon na ng partial restoration ng power supply sa Cagayan de Oro, Davao City, Gen. Santos City, Pagadian City, Misamis Oriental at Zamboanga City.

Apektado rin ng power blackout ang North Cotabato, Koronadal, South Cotabato, General Santos City at Bukidnon.

Sa kalatas mismo ng ahensya, sinasabing nagsimula ang “power disturbance” bandang 3:53  a.m. ng madaling araw, bagama’t inaalam pa ang kadahilanan at ang lawak ng pinsala.

“Reports indicate that the Mindanao grid experienced a disturbance at 3:53 a.m. NGCP is still determining the cause and extent of the disturbance,” ayon sa kalatas ng ahensya.

ENERGY SECRETARY PETILLA ‘WALANG ALAM’ SA BLACKOUT

NGANGA si Department of Energy (DOE) Secretary Jericho Petilla sa dahilan ng blackout na tumama sa Mindanao kahapon.

Ayon kay Deputy Presidential Spokesperson Abigail Valte, ang prayoridad aniya ng DoE ay maibalik muna ang koryente bago imbestigahan ang sanhi ng blackout.

“They cannot pinpoint the cause of the tripping right now but will work on finding it once power is restored,” ani Valte.

Sabi ni Petilla, target ng DoE na maibalik ang koryente sa lahat ng lalawigan na naapektohan ng blackout bago matapos ang maghapon.

Ayon kay Petilla, wala silang natanggap na ulat na may armadong grupo o may naganap na pagsabog bago nangyari ang blackout.

Walang nakikitang dahilan si Petilla para makaapekto ang blackout sa pagbisita ni Pangulong Benigno Aquino III sa Malaysia dahil isolated aniya  ito  at  maaaring ayusin.

(ROSE NOVENARIO)

About hataw tabloid

Leave a Reply

Your email address will not be published. Required fields are marked *

*

Scroll To Top