Wednesday , November 25 2020
Breaking News
You are here: Home / News / 3-anyos paslit patay sa escalator ng Binondo mall

3-anyos paslit patay sa escalator ng Binondo mall

NAMATAY ang 3-anyos batang lalaki nang maipit ang kamay sa escalator ng 999 Mall sa Binondo, Maynila nitong nakaraang Lunes.

Ayon sa kapitbahay na si Jennilyn, kasama niya ang biktimang si Ivan at ang ina ng bata habang tumitingin sa shoe stalls sa 2nd floor nang mangyari ang insidente.

Salaysay ni Jennilyn, kumawala ang bata mula sa pagkakahawak ng ina at naglaro malapit sa escalator.

Lumingon lamang aniya ang ina kay Ivan at ipinagpatuloy ang pagpili sa mga sapatos.

Makaraan ang ilang minuto, sinabi ni Jennilyn na narinig nila ang malakas na sigaw ng mga tao na nakasaksi sa pagkahulog ng biktima.

Aniya, limang minuto siyang hindi nakakilos dahil sa matinding pagkabigla.  Pagkaraan ay nabatid niyang isinugod ang biktima sa pagamutan.

Dagdag ni Jennilyn, nabatid niyang naipit ang kamay ni Ivan sa escalator at nakaladkad paibaba sa first floor.

Gayonman, sa im-bestigasyon ng pulisya, nabatid na habang naglalaro ang biktima sa dulo ng escalator, siya ay nahila at nahulog.

Si Ivan ay binawian ng buhay dakong 7 a.m. kamakalawa dahil sa matinding pinsala sa kanyang ulo.

About hataw tabloid

Leave a Reply

Your email address will not be published. Required fields are marked *

*

Scroll To Top