Thursday , March 28 2024

Unang Aray (Memorabol kay Inday) (Part 23)

VIRGIN PALA SI INDAY PERO HINDI KO LUBOS MAISIP KUNG BAKIT BIGLA SIYANG BUMIGAY SA  AKIN

 

Sa bilis ng mga pangyayari, sinturon lang ng pantalon ang nahubad ko sa pag-aapurang maselyuhan ang aming pag-iibigan. At naganap ang ‘di ko inaasahan maging sa aking panaginip.

Para akong solo winner ng jackpot sa lotto na tahimik na nagbunyi. Virgin si Inday!

Naisip ko, bakit nga ba karamihan sa mga kalalakihan ay virgin ang gustong maging syota at mapangasawa? Pero bakit ang mga kababaihan ay tila walang pakialam kahit dose-dosenang babae na ang natikman ng lalaki?  Pero ang talagang hindi ko maubos-maisip, bakit biglang bumigay si Inday?

Hindi na nagpahatid sa akin si Inday sa kanyang pag-uwi. Pag-alis niya, inayos ko ang nagkagusot-gusot na kubre-kama ng aking higaan. Bigla akong natigilan. Maraming hibla ng buhok sa unan at kutson ko. Talaga bang nalulugas na ang buhok ko?

Umagang-umaga kinabukasan ay nag-text sa akin si Inday. Ipinaalam sa akin na may personal siyang lakad. Hindi naman nabanggit sa akin kung saan at kung ano ‘yung personal na bagay na lalakarin niya. Dakong alas-kuwatro ng hapon nang muli siyang nag-text. Nasa bahay na raw siya at nagpapahinga. Hindi ko na siya inistorbo. Naglagi lang ako sa loob ng inoo-kupahang kuwarto. Binalik-balikan sa isip ang namagitan sa aming dalawa nu’ng nagdaang araw. Sa imahinasyon, wari’y ibayong tamis ang nalasap ko sa pagbabalik-gunita sa buong puso’t kaluluwang pagpapaubaya sa akin ni Inday ng kanyang katawan. Nasabik tuloy akong magkita kaming muli.

Tatlong sunud-sunod na araw na hindi kami nagkita ni Inday. Sa mga pagkakataong ‘yun, sinabi niya sa text na may importante siyang lakad. Lagi nang bandang hapon ang uwi niya. Nang mananghalian ako sa kanyang karinderya, nabanggit ni Manang na nagpunta siya sa isang doktor.

Tinawagan ko si Inday sa cellphone.

“Sa pinsan kong doktor na balik-bayan ako galing kanina,” pag-amin niya. “Nangangaila-ngan daw ng cook ang restaurant niya sa Canada.  Inalok ‘yun sa akin.”

“A-aalis ka?” naitanong ko.

“’Di pa tiyak…”

Nawalan ako ng kibo. (Itutuloy)

Rey Atalia

About hataw tabloid

Check Also

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Further Forward 2024 DOST-TAPI opens funding programs for local inventors, entrepreneurs

Further Forward 2024: DOST-TAPI opens funding programs for local inventors, entrepreneurs

The Technology Application and Promotion Institute (DOST-TAPI) launched the Call for Abstracts for its Invention …

Leave a Reply

Your email address will not be published. Required fields are marked *