Friday , December 4 2020
Breaking News
You are here: Home / News / 5 patay, 45 sugatan sa jeep na tumagilid

5 patay, 45 sugatan sa jeep na tumagilid

BAGUIO CITY — Patay ang lima katao habang nilalapatan ng lunas sa pagamutan ang 45 sugatang pasahero matapos tumagilid ang pampasaherong jeep sa Sitio Galitungan, Nalbuan, Licuan-Baay, Abra.

Kinilala ang mga namatay na sina Melba Millare, Solomen Colangan, Veronica Tucio, Noreen Tugadi at Dimple Tugadi.

Ginagamot sa Abra Provincial Hospital ang 28 biktima, 9 sa Abra Christian Hospital at 8 sa Seares Memorial Hospital.

Batay sa inisyal na imbestigasyon, inihayag ni Senior Ins. Rosal Henaro, nawalan ng kontrol sa manibela ang driver na si Victor Pacio habang pababa sa sharp curve ng nasabing daan kaya tumagilid ang sasakyan bago nahulog sa isang metrong lalim na kanal.

Napag-alaman na karamihan sa mga nasugatang biktima ay naka-upo sa bubungan ng sasakyan.

Sinasabing galing ang mga biktima sa isinagawang 4P’s meeting sa Sitio Baquero, Nalbuan, Licuan-Baay, Abra.

Nasa kustodiya ng Licuan-Baay Police Station ang driver habang inihahanda ang kasong isasampa laban sa kanya.

About hataw tabloid

Leave a Reply

Your email address will not be published. Required fields are marked *

*

Scroll To Top